بحث هذه المدونة الإلكترونية

الاثنين، 7 مايو 2007

سرابٍ بقيعه

قالو عظيم الشان راعي الفهامه 
العالم النّابه امام الشّريعة
الواعظ اللّي ساحرٍ في كلامه
 يزيّن الفاظه بآيٍ بديعه
والفقه بالغ ذروةٍ في سنامه 
  يفتي وهم الشيخ سد الذريعة 
يستقطب الشبّان هذا مرامه 
    يختار من هو مؤمنٍ بالقطيعة
وجنّد اللّي ما يميّز حرامه
 وخطّط لهم خطّة مريعه وشنيعه
ودلَّى لهم سمتٍ وشكل وعلامه 
 والحقد يسري بالظلام وهجيعه 
و حنّا من الغفله نعيش بسلامه
    ما كنّنا الّا في حصونٍ منيعه 
أكبادنا تمشي بدرب النّدامه
و حنّا نقرطع ما جرى من نجيعه
والنّار تسري في ظلام و قتامه 
      وقودها الشبّان ياللفجيعه 
والشيخ مزهوٍ بكبر العمامه
     ومكانته عند المخبّل رفيعه
والى فحصت الشيخ ما من علامه
   والى حكى بانت نوايا دنيعه
والى سمعته جاك نو الجهامه
    وان سلْت عنّه قُلْ : سرابٍ بقيعه